K Series

    ໂຮງໝໍແຂວງຫຼວງພະບາງມີອຸປະກອນການແພດທີ່ທັນສະໄໝໃນການບໍລິການຄົນເຈັບ ພິທີມອບຮັບເຄື່ອງ ຊີທີ ສະແກນ (CT Scaner) ໃຫ້ແກ່ໂຮງໝໍແຂວງຫຼວງພະບາງໄດ້ມີຂຶ້ນໃນວັນທີ 22 ທັນວານີ້, ທີ່ໂຮງໝໍແຂວງ,       ໂດຍການເຂົ້າຮ່ວມຂອງ ທ່ານ ສາຍສະໝອນ ຄົມທະວົງ ປະທານສະພາປະຊາຊົນແຂວງ, ທ່ານ ນາງ ລີນ່າ ບິດເຕີ ເອກອັກຄະລັດທູດສະຫະລັດອາເມລິກາ ປະຈຳລາວ ມີຫົວໜ້າພະແນກການອ້ອມຂ້າງ ຕະຫຼອດຮອດພະນັກງານແພດໝໍເຂົ້າຮ່ວມເປັນສັກຂີພິຍານ. ການມອບເຄື່ອງ ຊີທີ ສະແກນ ໃນຄັ້ງນີ້ ແມ່ນປະຕິບັດຕາມແຜນການພັດທະນາວຽກງານສາທາລະນະສຸກ ແຕ່ປີ 2016 ຫາປີ 2020 ໂດຍເລັ່ງໃສ່ 5 ຍຸດທະສາດການປະຕິຮູບສາທາລະນະສຸກ ໂດຍສະເພາະແມ່ນ ຍຸດທະສາດໃນການຍົກສູງຄຸນນະພາບ ຂອງການບໍລິການສາທາລະນະສຸກດ້ວຍການປັບປຸງ ແລະ ຂະຫຍາຍຕາໜ່າງບໍລິການປົກຄຸມທົ່ວເຖິງ ແລະ ມີຄຸນນະພາບລະດັບມາດຕະຖານ, ຫັນເອົາການບໍລິຫານຄຸ້ມຄອງໂຮງໝໍໄປສູ່ລະບົບ IT ສາມາດເຊື່ອມໂຍງຂົງເຂດ ແລະ ສາກົນ. ເຄື່ອງ ຊີທີ ສະແກນ ເປັນເຄື່ອງອຸປະກອນການແພດ ທີ່ທັນສະໄໝ ນຳເຂົ້າມາຈາກປະເທດສະຫະ ລັດອາເມລິກາ ໂດຍການຈັດຊື້ດ້ວຍງົບປະມານຂອງລັດ 100% ໃນມູນຄ່າ 5 ຕື້ກວ່າກີບ, ເຄື່ອງ ຊີທີ ສະແກນ ມີຄວາມຈຳເປັນທີ່ສຸດ ທາງດ້ານການແພດ ເພື່ອຊ່ວຍບົ່ງມະຕິພະຍາດໃຫ້ມີຄວາມາຊັດເ...

ນະຄອນຫຼວງວຽງຈັນ: ລາຍງານຈາກ ນັກຂ່າວສັນຈອນໃຫ້ຮູ່ວ່າ ເວລາປະມານ 02:40 ວັນທີ 31 ທັນວາ 2017 ເກີດອຸບັດຕິເຫດ ລົດໃຫຍ່ຕຳກົ້ນລົດຈັກ ທີ່ເຂດໂຮງຮຽນ ການເງິນດົງຄໍາຊ້າງ ນະຄອນຫຼວງວຽງຈັນ.      ຜູ້ຖືກຕຳແມ່ນຜູ້ຍິງ ຂີ່ລົດຈັກ ອາການສາຫັດ, ບໍ່ມີສະຕິ. ທາງປະຊາຊົນ ໄດ້ໂທ້ແຈ້ງໃຫ້ ກູ້ໄພ 1623​ ມາຊ່ວຍເຫຼືອ ນຳສົ່ງໂຮງໝໍ.          ຜູ້ຂັບລົດໃຫຍ່ແມ່ນ ຜູ້ຊາຍ ອາຍຸປະມານ 18-19 ປີ ມີອາການມືນເມົາແດ່, ຈາກການສອບຖາມ ຜູ່ກ່ຽວບອກວ່າ ໄດ້ໄປຫຼິ້ນ ບ້ານຫມູ່ມາ ລະກຳລັງຈະກັບບ້ານ ແລ້ວຂີ່ລົດມາດ້ວຍຄວາມໄວ້ ສົມຄວນ ແລ້ວມາຕຳເອົາລົດຈັກທີຫາກາເລີກວຽກມາ. ເຊິ່ງເປັນການຕຳກົ້ນລົດຈັກ ທີ່ຂີ່ມາທາງດຽວກັນ ທີ່ເຂດຫນ້າ ໂຮງຮຽນການເງີນດົງຄຳຊ້າງ. ເຂດທີ່ຖືກຕຳແມ່ນຈະມີຕົ້ນ ຕາກົບລະຈະມືດຫນ້ອຍແດ່, ເຮັດໃຫ້ລົດໃຫຍ່ທີຂີ່ລົດມາດ້ວຍຄວາມໄວ້ ບໍ່ເຫັນລົດຈັກ ລະຕຳເອົາຢ່າງແຮງເຕັມໆ. ລົດໃຫຍ່ ລາກລົດຈັກໄປປະມານ 30 ແມັດ. ເຮັດໃຫ້ຄົນຂີ່ລົດຈັກເຈັບສາຫັດ.

         ສຳນັກຂ່າວຣັດເຊຍທູເດ ລາຍງານໃນ 5 ກໍລະກົດຜ່ານມານີ້ ໂດຍອ້າງຄຳຖະແຫລງຈາກ ກະຊວງປ້ອງກັນປະເທດຣັດເຊຍວ່າ ຝູງເຮືອບິນຖິ້ມລະເບີດຍຸດທະສາດ ຕູໂປເລບ-95MS ຊຶ່ງບິນຂຶ້ນຈາກຖານທັບອາກາດແຫ່ງໜຶ່ງໃນຣັດເຊຍ ແລະ ມີການຕື່ມນ້ຳມັນກາງອາກາດ ໄດ້ບິນຖິ້ມລະເບີດທຳລາຍສາງອາວຸດ ແລະ ປ້ອມບັນຊາການຂອງກຸ່ມລັດອິດສະລາມ ຫລື ໄອເອັສ ຕາມເຂດຊາຍແດນລະຫວ່າງແຂວງຮາມາ ແລະ ແຂວງຮັອມ ໂດຍມີການໃຊ້ຂີປະນາວຸດຍິງຈາກອາກາດທີ່ລ້ຳສະໄໝ Kh-101 ໂຈມຕີຈາກໄລຍະໄກ ປະມານ 1,000 ກິໂລແມັດ. ກະຊວງປ້ອງກັນປະເທດຣັດເຊຍ ຍັງໄດ້ມີການເປີດເຜີຍອີກວ່າ ຂີປະນາວຸດລຸ້ນດັ່ງກ່າວນີ້ ມີໄລຍະການໂຈມຕີໄດ້ສູງສຸດເຖິງ 4,500 ກິໂລແມັດ ແລະ ສາມາດຕິດຕັ້ງຫົວຮົບນິວເຄລຍໄດ້ອີກ ໂດຍທີ່ເຮືອບິນຍຸດທະສາດ ຕູໂປເລບ-95MS ສາມາດບັນທຸກຂີປະນາວຸດລຸ້ນດັ່ງກ່າວໄດ້ສູງສຸດ 8 ລູກໃນຖ້ຽວດຽວ.         ຝູງເຮືອບິນຖິ້ມລະເບີດດັ່ງກ່າວນີ້ ໄດ້ສຳເລັດພາລະກິດຂອງຕົນ ແລະ ບິນກັບຄືນສູ່ຖານທັບອາກາດຢູ່ຣັດເຊຍຢ່າງປອດໄພ ໂດຍໄດ້ຮັບການຄຸ້ມກັນຈາກເຮືອບິນສູ້ຮົບ Su-30SM.

     ທ່ານ ພົນຈັດຕະວາ ດວງປີ ດາມະນີວົງ ຮອງປະທານກວດກາພັກກະຊວງ, ຫົວໜ້າກົມກວດກາ-ກວດການ ກະຊວງປ້ອງກັນຄວາມສະຫງົບ ໄດ້ລາຍງານໃນກອງປະຊຸມກວດກາກຳລັງປ້ອງກັນຄວາມສະຫງົບໃນທົ່ວປະເທດ ຄັ້ງທີ V ເມື່ອບໍ່ດົນມານີ້ວ່າ: ໃນໄລຍະ 5 ປີຜ່ານມາ, ຄະນະກວດກາກະຊວງ ປກສ ໄດ້ເອົາໃຈໃສ່ໃນການຕິດຕາມກວດກາ, ຕ້ານ ແລະ ສະກັດກັ້ນປາກົດການຫຍໍ້ທໍ້ຕ່າງໆໃນຖັນແຖວພະນັກງານນັກຮົບກຳລັງ ປກສ ແລະ ສາມາດພົບເຫັນການລະເມີດລະບຽບກົດໝາຍ, ສໍ້ລາດບັງຫລວງ ແລະ ອື່ນໆ       ຈຳນວນ 1.343 ຄົນ, ສ້າງຜົນເສຍຫາຍເປັນເງິນສົດຫລາຍກວ່າ 6 ຕື້ກີບ, 191 ພັນໂດລາສະຫະລັດ, 147 ລ້ານກວ່າບາດ (ສະກຸນເງິນໄທ), 23 ລ້ານກວ່າດົງ (ສະກຸນເງິນຫວຽດນາມ) ແລະ ຊັບສິນອື່ນໆ ໂດຍບັນຫາທີ່ກວດພົບສ່ວນຫລາຍແມ່ນການສວຍໃຊ້ໜ້າທີ່ຫາຜົນປະໂຫຍດສ່ວນຕົວເຊັ່ນ: ຢັກຢອກຢາເສບຕິດຂອງກາງຄະດີ ແລະ ຮັບສິນບົນຈາກຜູ້ຄ້າຂາຍຢາເສບຕິດ ດັ່ງກໍລະນີເຈົ້າໜ້າທີ່ ປກສ ແຂວງຫົວພັນ ຈຳນວນໜຶ່ງຮັບສິນບົນເປັນເງິນສົດ 120 ພັນໂດລາສະຫະລັດ ຈາກຂະບວນການຄ້າເຮໂຣອິນຈຳນວນ 93 ແທ່ງ, ກໍລະນີເຈົ້າໜ້າທີ່ ປກສ ແຂວງຫລວງນ້ຳທາ ຈຳນວນໜຶ່ງຮັບສິນບົນຈາກນັກໂທດປະຫານຊີວິດໃນຄະດີຢາເສບຕິດ ຈຳນວນ 14 ລ້ານບາດ (ສະກຸນເງິນໄທ) ເພື່ອແລກກັບການປ່ອຍຕົວນັກໂທດ ແລະ ອີກຫລາຍໆກໍ...

  ເຈົ້າໜ້າທີ່ພະແນກຕຳຫຼວດສະກັດກັ້ນ ແລະ ຕ້ານຢາເສບຕິດ ປກສ ແຂວງຄຳມ່ວນ ໄດ້ກັກຕົວທ້າວ ວັນພິລາ ອາຍຸ 28 ປີ ຢູ່ບ້ານຫາດຊຽງດີ ເມືອງໜອງບົກ ແຂວງຄຳມ່ວນ ໃນວັນທີ 16 ທັນວາ 2017 ໃນຂະນະທີ່ເອົາຢາບ້າໄປສົ່ງໃຫ້ຜູ້ສັ່ງຊື້ ຄື ໂຊເຟີຂັບລົດຫີນກາວ ຢູ່ຂອບເຂດໂຮງງານຊີມັງ ບ້ານນາຄຳ ເມືອງມະຫາໄຊ ແຂວງຄຳມ່ວນ ພ້ອມທັງຢຶດຢາບ້າ ຈຳນວນ 31.928 ເມັດ ໄປດໍາເນີນການສືບສວນ-ສອບສວນຂະຫຍາຍຜົນຫາຜູ້ຮ່ວມຂະບວນການນໍາກັນ.    ເຈົ້າໜ້າທີ່ຕໍາຫຼວດວິຊາສະເພາະ ປກສ ແຂວງຄຳມ່ວນ ໃຫ້ຮູ້ວ່າ: ພາຍຫຼັງໄດ້ສືບຮູ້ວ່າ ໃນວັນທີ 16 ທັນວາ 2017, ທ້າວ ວັນພິລາ ຈະລັກລອບເຄື່ອນໄຫວເອົາຢາບ້າຈໍານວນຫຼາຍໄປສົ່ງໃຫ້ຜູ້ສັ່ງຊື້ ຢູ່ເຂດໂຮງງານຊີມັງ ບ້ານນາຄຳ ເມືອງມະຫາໄຊ ແຂວງຄຳມ່ວນ; ດັ່ງນັ້ນ, ເຈົ້າໜ້າທີ່ວິຊາສະເພາະ ຈຶ່ງໄດ້ວາງແຜນການສະກັດກັ້ນ ແລະ ຕິດຕາມກວດກາເປົ້າໝາຍຢູ່ຈຸດດັ່ງກ່າວ. ມາຮອດເວລາ 11:00 ໂມງ ຂອງວັນດຽວກັນ ຈຶ່ງໄດ້ພົບເຫັນເປົ້າໝາຍກໍາລັງເອົາຢາບ້າຍື່ນໃຫ້ກັນ ຈຶ່ງເຂົ້າຈັບກຸມ ແຕ່ຈັບຕົວໄດ້ແຕ່ທ້າວ ວັນພິລາ ສ່ວນຜູ້ສັ່ງຊື້ເອົາຕົວລົບໜີໄປໄດ້.   ຜ່ານການສືບສວນ-ສອບສວນເບື້ອງຕົ້ນ, ທ້າວ ວັນພິລາ ຮັບສາລະພາບວ່າ: ຢາບ້າຈຳນວນດັ່ງກ່າວ ບໍ່ແມ່ນຂອງຜູ້ກ່ຽວ ພຽງແຕ່ຮັບຈ້າງໄປສົ່ງໃຫ້ນາຍໜ້...

ສໍາລັບທ່ານທີ່ມັກຄວາມເປັນທຳມະຊາດ, ທ້າທາຍ ແລະ ການເດີນທາງ ເພື່ອໄປພິຊິດ ຍອດຜາຖີ ທີ່ຫົວພັນ. ກຽມເລີຍເດີ.... ພວກເຮົາຈະບໍ່ອະທິບາຍໃຫ້ຍາວ ແຕ່ໃຫ້ພາບ ແລະ ຄລິບຂ້າງລຸ່ມ ຊ່ວຍອະທິບາຍແທນ... ໝາຍເຫດ: ເພິ່ນເຮັດຂັ້ນໄດ ເພື່ອໃຫ້ໄຕ່ຂຶ້ນຍອດຜາ ເດີ....

ເພື່ອເປັນການຊ່ວຍເຫຼືອປະຊາຊົນ, ໂດຍສະເພາະແມ່ນຄອບຄົວທຸກຍາກ ຢູ່ ເມືອງ ໄຊຊະຖານ ແຂວງ ໄຊຍະບູລີ ໃນການຕ້ານໄພໜາວ, ເພື່ອເຮັດໃຫ້ກຸ່ມຄົນດັ່ງກ່າວໄດ້ມີຄວາມອົບອຸ່ນທັງການ ແລະ ໃຈ, ສະນັ້ນອົງການປົກຄອງ ແຂວງ ໄຊຍະບູລີ ຈຶ່ງໄດ້ນໍາເຄື່ອງກັນໜາວໄປມອບໃຫ້ປະຊາຊົນເມືອງດັ່ງກ່າວ, ເຄື່ອງທີ່ນໍາໄປມອບປະກອບມີ: ເສື້ອກັນໜາວ ຈໍານວນ 100 ຜືນ, ໂສ້ງຂາຍາວ ຈໍານວນ 100 ຜືນ, ຜ້າຫົ່ມກັນໜາວ 110 ຜືນ, ຊຸດເຄື່ອງນຸ່ງປະສົມ 350 ຊຸດ, ໝວກກັນໜາວ 100 ໃບ ແລະ ເຄື່ອງນຸ່ງທົ່ວໄປ 300 ຊຸດ, ລວມມູນຄ່າທັງໝົດ 26 ລ້ານກວ່າກີບ, ພິທີມອບ-ຮັບໄດ້ຈັດຂຶ້ນ ໃນວັນທີ 20 ທັນວາ 2017 ນີ້, ທີ່ຫ້ອງການບ້ານ ສະແມດໃຫຍ່ໃຫ້ກຽດມອບໂດຍ ທ່ານ ພົງສະຫວັນ ສິດທະວົງ ເຈົ້າແຂວງໄຊຍະບູລີ ແລະ ຮັບ ໂດຍຕາງໜ້າອົງການປົກຄອງ ເມືອງ ໄຊຊະຖານ ແລະ ມອບຕໍ່ໃຫ້ກັບປະຊາຊົນກຸ່ມເປົ້າໝາຍ, ເຂົ້າຮ່ວມພິທີມີຫົວໜ້າພະແນກການເງິນ, ສະຫະພັນແມ່ຍິງແຂວງ, ພ້ອມດ້ວຍອໍານາດການປົກຄອງເມືອງ ໄຊສະຖານ ແລະ ພໍ່ແມ່ປະຊາຊົນເຂົ້າຮ່ວມຢ່າງຫຼວງຫຼາຍ.