ສາວງາມ ມີເຊື້ອເອດ ລັກຂາຍບໍລິການທາງເພດ ເຕືອນລູກຄ້າຮີບກວດຮ່າງກາຍ
ເວບໄຊທ໌ Taiwan News ລາຍງານຂ່າວວ່າຍິງຂາຍບໍລິການຊາວໄທຍ ເຊິ່ງມີການເປີດເຜີຍຊື່ວ່າ ແພັດຕີ້ ໄດ້ຖືກກັກໂຕຂໍ້ຫາລັກລອບຂາຍບໍລິການໃນໄຕ້ຫວັນ. ແລະ ຍັງພົບວ່າໄດ້ຕິດເຊື້ອເອດອີກ.
ໂດຍລາຍງານຂ່າວໄດ້ກ່າວວ່າ ສາວໄທອາຍຸ 24 ປີ ຄົນນີ້ ໄດ້ເດີນທາງໄປໄຕ້ຫວັນດ້ວຍວີຊ້ານັກທ່ອງທ່ຽວໃນວັນທີ 11 ມີນາ 2018 ແລະໄດ້ເລີ່ມລັກຂາຍບໍລິການກັບລູກຄ້າຫລາຍສິບຄົນ ໂດຍໃຊ້ໂປຣແກຣມສົນທະນາ ເພື່ອຕິດຕໍ່ການຂາຍບໍລິການທາງເພດໃນແຕ່ລະຄັ້ງ.
ໃນລະຫວ່າງວັນທີ 13-22 ມີນາ 2018 ເມືອງໄຕ້ຖົງ ທາງທິດຕາເວັນອອກຂອງໄຕ້ຫວັນ ດ້ານສຳນັກງານສາທາລະນະສຸກເມືອງໄຕ້ຖົງ ອອກເປີດເຜີຍວ່າ ຜົນການກວດສອບແມ່ຍິງສາວຊາວໄທຈາກຫ້ອງທົດລອງໄດ້ຢືນຢັນວ່າ ນາງເປັນຜູ້ຕິດເຊື້ອ HIV ແລະເຮັດໃຫ້ຜູ້ຊາຍໃຊ້ບໍລິການກັບນາງມີຄວາມສ່ຽງຕໍ່ການຕິດເຊື້ອເຊັ່ນກັນ ພ້ອມກັບຂໍໃຫ້ຜູ້ຊາຍທີ່ໄດ້ຫຼັບນອນກັບນາງ ເຂົ້າຮັບການກວດພາຍໃນສາມເດືອນ. ຂະນະທີ່ຂໍ້ມູນທາງການຈາກໄຕ້ຫວັນ ຍິງຊາວໄທນີ້ໄດ້ຖືກໄລ່ອອກໄປຢູ່ປະເທດໄທ ແລະຕໍາຫຼວດໄຕ້ຫວັນກໍາລັງກະກຽມເພື່ອກໍາຈັດເຄືອຂ່າຍກຸ່ມຄ້າຂາຍບໍລິການ ໃນພື້ນທີ່ພາກຕາເວັນອອກຂອງປະເທດ
Comments
Post a Comment