ທ່ານ ບຸນທອງ ຈິດມະນີ ເນັ້ນຫນັກໃຫ້ແຂວງບໍ່ແກ້ວ ສຸມໃສ່ແກ້ໄຂບັນຫາຢາເສບຕິດ, ການຄ້າຂາຍ ເຖື່ອນ

 

   
         ທ່ານ ບຸນທອງ ຈິດມະນີ ຮອງນາຍົກລັດຖະມົນຕີ ປະ ທານຄະນະກວດກາສູນກາງ ພັກ ປະທານອົງການກວດກາ ລັດຖະບານ ພ້ອມຄະນະລົງ ເຄື່ອນໄຫວເຮັດວຽກຢູ່ແຂວງ ບໍ່ແກ້ວ ໃນວັນທີ 31 ມັງກອນ- 1 ກຸມພາ 2018 ນີ້ ໃຫ້ການ ຕ້ອນຮັບ ໂດຍທ່ານ ຄຳພັນ ເຜີຍຍະວົງ ກຳມະການສູນ ກາງພັກ ເລຂາຄະນະບໍລິຫານ ງານພັກແຂວງ ເຈົ້າແຂວງບໍ່ ແກ້ວ, ມີຄະນະນຳຂອງແຂວງ, ທະຫານ-ຕຳຫຼວດ ພະນັກງານ ຫຼັກແຫຼ່ງຂອງແຂວງໃຫ້ການ ຕ້ອນຮັບຢ່າງສົມກຽດ.
       ໃນໂອກາດການລົງ ເຄື່ອນໄຫວຢ້ຽມຢາມຄັ້ງນີ້, ທ່ານ ຮອງນາຍົກ ພ້ອມຄະນະໄດ້ ລົງຢ້ຽມຢາມ ແລະ ໂອ້ລົມກັບ ບັນດາກຸ່ມບ້ານຫ້ວຍຊາຍນ້ອຍ ເມືອງຫ້ວຍຊາຍ ພ້ອມຮັບຟັງ ລາຍງານສະພາບລວມ ໂດຍ ສັງເຂບ ເປັນຕົ້ນແມ່ນວຽກງານການ ເມືອງ, ວຽກງານປ້ອງກັນຊາດ ປ້ອງກັນຄວາມສະຫງົບ, ວັດ ທະນະທຳ – ສັງຄົມ ແລະ ວຽກ ງານເສດຖະກິດ ຊຶ່ງໃນກຸ່ມ ບ້ານຫ້ວຍຊາຍນ້ອຍປະກອບ ມີ 5 ບ້ານຄື: ບ້ານຫ້ວຍຊາຍ ນ້ອຍ, ບ້ານຊາຍຈະເລີນ, ບ້ານ ຝາຍ, ບ້ານດອນສະຫວັນ ແລະ ບ້ານຄົກຫຼວງ ມີພົນລະເມືອງ ທັງໝົດ 7.719 ຄົນ, ຍິງ 3.657 ຄົນ, ພາຍໃນກຸ່ມບ້ານແມ່ນ ເຫຼືອພຽງ 5 ຫຼັງຄາເຮືອນທຸກ ຍາກ, ສຳລັບອາຊີບຕົ້ນຕໍຂອງ ປະຊາຊົນແມ່ນເຮັດນາ, ປູກ ຝັງ, ລ້ຽງສັດ ແລະ ເຮັດບໍລິການ ຄ້າ-ຂາຍ ເປັນສຳຮອງ.

   
     ນອກ ຈາກນັ້ນ, ຄະນະຍັງໄດ້ລົງຢ້ຽມ ຢາມເມືອງເມິງ ຊຶ່ງເປັນເມືອງ ໜຶ່ງທີ່ຂຶ້ນກັບແຂວງບໍ່ແກ້ວ ແລະ ເປັນເມືອງທີ່ທຸກຍາກ ຕັ້ງ ຢູ່ເຂດພູດອຍ, ຫ່າງຈາກເທດ ສະບານແຂວງປະມານ 115 Km, ມີເນື້ອທີ່ທັງໝົດ 1.509 Km2 ໂດຍທ່ານເຈົ້າເມືອງໄດ້ ລາຍງານສະພາບໃຫ້ຮູ້ວ່າ: ເມືອງເມິງ ປະກອບມີ 5 ກຸ່ມ ບ້ານ, ມີ 28 ບ້ານ, ມີ 2.684 ຄອບຄົວ, ມີພົນລະເມືອງ 14.992 ຄົນ, ຍິງ 7.517 ຄົນ. ປະຊາຊົນສ່ວນໃຫຍ່ຢຶດຖືອາ ຊີບຜະລິດກະສິກຳ ປູກຝັງ, ລ້ຽງສັດເປັນຕົ້ນຕໍ, ມີໂຮງຮຽນ ອະນຸບານ 27 ແຫ່ງ, ປະຖົມ 30 ແຫ່ງ, ມັດທະຍົມຕອນຕົ້ນ 3 ແຫ່ງ ແລະ ໂຮງຮຽນມັດທະ ຍົມສົມບູນ 2 ແຫ່ງ, ທົ່ວເມືອງ ມີໂຮງໝໍ 1 ແຫ່ງ, ສຸກສາລາ 5 ແຫ່ງ, ມີຖົງຢາ ແລະ ກອງທຶນ ຢາປະຈຳບ້ານ 21 ຖົງ.
      ເສດ ຖະກິດຂອງເມືອງສືບຕໍ່ຂະ ຫຍາຍຕົວຢ່າງຕໍ່ເນື່ອງໃນລະ ດັບສະເລ່ຍ 7,9%ຕໍ່ປີ, ລວມ ຍອດຜະລິດຕະພັນພາຍໃນ ບັນລຸ 105 ຕື້ 172 ລ້ານກີບ, ລາຍໄດ້ສະເລ່ຍຕໍ່ຫົວຄົນເທົ່າ ກັບ 7.015.200 ກີບຕໍ່ຄົນຕໍ່ປີ ຫຼື ເທົ່າກັບ 876 ໂດລາ/ຄົນ/ປີ.

      ໂອກາດດັ່ງກ່າວ ທ່ານ ຮອງນາຍົກ ພ້ອມຄະນະໄດ້ ມອບເຄື່ອງໃຊ້ຫ້ອງການ, ເຄື່ອງ ນຸ່ງ, ຜ້າຫົ່ມ ແລະ ເງິນຊ່ວຍ ເຫຼືອເມືອງທີ່ທຸກຍາກຈຳນວນ ໜຶ່ງ ແລະ ໃຫ້ກຽດໂອ້ລົມຕໍ່ ການນຳ, ພະນັກງານ, ທະຫານ- ຕຳຫຼວດ ຕະຫຼອດຮອດພໍ່ແມ່ ປະຊາຊົນຊາວເມືອງເມິງ ໂດຍ ທ່ານໄດ້ຍ້ອງຍໍຊົມເຊີຍຕໍ່ຜົນ ງານຂອງເມືອງທີ່ສູ້ຊົນຍາດ ມາໄດ້ ແລະ ໄດ້ເນັ້ນໜັກກ່ຽວ ກັບບັນຫາລວມໃຫ້ເອົາໃຈໃສ່ ດັ່ງນີ້: ເພີ່ມທະວີວຽກງານປ້ອງ ກັນຊາດ-ປ້ອງກັນຄວາມສະ ຫງົບຢ່າງແຂງແຮງ, ທົ່ວເຖິງ, ສຸມໃສ່ແກ້ໄຂສະພາບຫຍໍ້ທໍ້ ຕ່າງໆໃນສັງຄົມ, ເປັນຕົ້ນບັນ ຫາຢາເສບຕິດ, ການຄ້າຂາຍ ເຖື່ອນ, ການລັກລອບຂຸດຄົ້ນ ໄມ້, ບັນຫາທີ່ດິນ, ການລັກ ລອບຂຸດຄົ້ນແຮ່ທາດ, ຄວາມບໍ່ ສະຫງົບຕາມຊາຍແດນ, ການ ເຂົ້າ-ອອກເມືອງ, ການເຄື່ອນ ຍ້າຍຕັ້ງຖິ່ນຖານທີ່ບໍ່ຖືກຕ້ອງ ຕາມກົດໝາຍ, ການຄຸ້ມຄອງ ສຳມະໂນຄົວ, ການມົ້ວສຸມ- ຫຼິ້ນກິນຟຸມເຟືອຍ ແລະ ອື່ນໆ.
      ສືບຕໍ່ສູ້ຊົນປະຕິບັດຄາດໝາຍ ການພັດທະນາເສດຖະກິດ- ສັງຄົມ ປີ 2017 ແລະ 2018 ຕາມແຜນການຂອງແຂວງ, ຂອງເມືອງໃນນັ້ນໃຫ້ເອົາໃຈ ໃສ່ເຂດຊົນນະບົດຫ່າງໄກ ສອກຫຼີກ, ສຸມໃສ່ບັນດາຄອບ ຄົວທີ່ຍັງທຸກຍາກ ບ້ານ ແລະ ຄອບຄົວທີ່ບໍ່ທັນມີການຈັດ ສັນ, ບໍ່ທັນມີອາຊີບຄົງທີ່ຖາ ວອນ, ເອົາໃຈໃສ່ຄຸ້ມຄອງງົບ ປະມານຕິດຕາມ-ກວດກາຊຸກ ຍູ້ການເກັບລາຍຮັບເຂົ້າງົບ ປະມານໃຫ້ໄດ້ຕາມຄາດໝາຍ ແລະ ລື່ນຄາດໝາຍທີ່ວາງໄວ້, ຄົ້ນຄວ້າຖອດຖອນບົດຮຽນ ການແບ່ງຂັ້ນຄຸ້ມຄອງ ແລະ ການເກັບລາຍຮັບຕາມທິດ 3 ສ້າງ.
      ສືບຕໍ່ເອົາໃຈໃສ່ສູ້້ຊົນຈັດ ຕັ້ງປະຕິບັດວຽກງານ 3 ສ້າງ ໃຫ້ເກີດຜົນເປັນຈິງ ເປັນຕົ້ນ ການສ້າງບ້ານພັດທະນາຕິດ ພັນກັບການແກ້ໄຂບ້ານທຸກ ຍາກຂອງປະຊາຊົນບັນດາ ເຜົ່າ, ພ້ອມກັນເບິ່ງຄືນ ແລະ ສືບຕໍ່ປະຕິບັດການແບ່ງສິດ, ແບ່ງຄວາມຮັບຜິດຊອບລະ ຫວ່າງຂະແໜງການຂອງແຂວງ ກັບເມືອງ ແລະ ລະຫວ່າງ ເມືອງກັບບ້ານໃຫ້ຈະແຈ້ງຂາດ ຕົວຕື່ມ, ເອົາໃຈໃສ່ເພີ່ມທະວີ ວຽກງານຕິດຕາມ-ກວດກາ ພັກ, ກວດກາຄຸ້ມຄອງບໍລິຫານ ລັດການສະກັດກັ້ນ ແລະ ຕ້ານ ການສໍ້ລາດບັງຫຼວງ ທັງຢູ່ເມືອງ ແລະ ຫົວໜ່ວຍຮາກຖານຕ່າງໆ, ພ້ອມກັນຈັດຕັ້ງປະຕິບັດເຂັ້ມ ງວດກວ່າເກົ່າ ບັນດາມະຕິ, ຄຳ ສັ່ງຕ່າງໆຂອງພັກ ແລະ ນິຕິ ກຳອື່ນໆ.