ການຮັບຄູອາສາສະໝັກ ບໍ່ເອກະພາບກັນ ອີກໜຶ່ງສາເຫດເຮັດໃຫ້ການແກ້ໄຂບັນຫາ “ຄູເຫຼືອບໍ່ພໍ” ຍາກຂຶ້ນ

   ເຖິງວ່າໃນໄລຍະຜ່ານມາລັດຖະບານໄດ້ສຸມໃສ່ຢ່າງໜັກໃນການແກ້ໄຂບັນຫາ“ຄູເຫຼືອບໍ່ພໍ” ດ້ວຍຫຼາຍຮູບການ ທັງການໃຫ້ທຶນການສຶກສາແກ່ນັກສຶກສາຄູທ້ອງຖິ່ນແລະການອະນຸມັດໂກຕ້າລັດຖະກອນຄູໃໝ່ ໃຫ້ກະຊວງສຶກສາທິການ ແລະ ກິລາຂ້ອນຂ້າງຫຼາຍຫຼາຍກວ່າຂະແໜງການອື່ນໃນແຕ່ລະປີ.
   ໃນນີ້ສະເພາະສົກປີ 2017-2018 ກະຊວງ ສສກໄດ້ຮັບໂກຕ້າລັດຖະກອນຄູໃໝ່ເຖິງ 3.000 ຕຳແໜ່ງແຕ່ໃນຂະນະດຽວກັນ ແຕ່ລະປີຂະແໜງການສຶກສາ ແລະ ກິລາ ກໍ່ຍັງມີການຍົກຍ້າຍບັນດາຄູ-ອາຈານໄປຮັບໃຊ້ໃນຂະແໜງການຕ່າງໆເປັນຈຳນວນຫຼາຍເຊັ່ນກັນ ລວມເຖິງບັນຫາຖານຂໍ້ມູນຍັງບໍ່ສົມບູນ ຫຼືຂໍ້ມູນຕົວເລກຄູບໍ່ກົງກັບຕົວເລກຕົວຈິງ ແລະ ການຮັບຄູອາສາສະໝັກ ບໍ່ເອກະພາບກັນຂອງບັນດາແຂວງ, ເມືອງ ແລະ ໂຮງຮຽນ ຍັງຖືເປັນອີກບັນຫາ ແລະ ສິ່ງທ້າທ້າຍສຳຄັນ ທີ່ເຮັດໃຫ້ການແກ້ໄຂບັນຫາ “ຄູເຫຼືອບໍ່ພໍ” ໄດ້ຍາກຂຶ້ນ ໃນປັດຈຸບັນ.

ອີງ​ຕາມບົດລາຍ​ງານ​ຜົນ​ການ​ລົງ​ສໍາ​ຫຼວດລັດຖະກອນ​ຄູ ​ແລະ ບໍລິຫານ ທົ່ວ​ປະ​ເທດ ສົກຮຽນ 2017-2018 ທີ່ໄດ້ຮັບການສະເໜີຕໍ່ກອງປະຊຸມຜູ້ບໍລິຫານການສຶກສາ ແລະ ກິລາ ທົ່ວປະເທດ ປະຈໍາປີ 2017 ທີ່ສະໂມສອນຄະນະເສດຖະສາດ ແລະບໍລິຫານທຸລະກິດມະຫາວິທະຍາໄລແຫ່ງຊາດ ​ເມື່ອ​ບໍ່​ດົນ​ຜ່ານ​ມາ​ ໃຫ້​ຮູ້​ວ່າ: ການຈັດ​ຕັ້ງ​ປະຕິບັດ​ການ​ລົງ​ສໍາ​ຫຼວດການ​ບັນຈຸ ​ແລະ ການ​ນໍາ​ໃຊ້​ຄູ​ກໍ່ເພື່ອໃຫ້ສາມາດເກັບ​ກໍາ​ໄດ້​ສະພາບ​ການ​ບັນຈຸ​ຄູ ​ແລະ ການ​ນໍາ​ໃຊ້​ຄູ ​ໃນ​ແຕ່ລະ​ແຂວງ, ​ເມືອງ ​ແລະ ​ໂຮງຮຽນເພື່ອ​ກວດຄືນ​ຈໍານວນ​ລັດຖະກອນ​ຄູແລະ ບໍລິຫານ ທີ່​ມີໜ້າ​ຕົວ​ຈິງ​ໃນ​ປັດຈຸບັນ, ​ເກັບ​ກໍາ​ໄດ້​ຈໍານວນ​ຄູ​ອາສາ​ສະໝັກ​ທີ່​ມີ​ຢູ່​ນັ້ນວ່າຖືກຕ້ອງ​ກັບ​ຄວາມ​ຕ້ອງການ​ຕົວ​ຈິງ​ຂອງ​ແຕ່​ລະ​ຊັ້ນ ​ແລະ ລາຍ​ວິຊາ ຫຼື ບໍ່, ​ເກັບ​ກໍາ​ໄດ້​ຈໍານວນ​ລັດຖະກອນ​ທີ່​ສູນ​ເສຍ​ໃນ​ຮູບ​ການ​ຕ່າງ ຄື: ບໍາ​ເນັດ, ບໍານານ, ຍົກ​ຍ້າຍ, ​ເສຍ​ກໍາລັງ​ແຮງ​ງານ, ​ເສຍ​ຊີວິດ ​ແລະ ອື່ນ​ໆ,ເກັບ​ກໍາ​ການ​ປະຕິບັດ​ຫຼັກສູດ(ຈໍານວນ​ຊົ່ວ​ໂມງ​ສອນ​ຕົວ​ຈິງ​ປຽບທຽບ​ໃສ່​ຊົ່ວ​ໂມງ​ສອນ​ທີ່​ກໍານົດ​ໃນ​ຫຼັກສູດ, ​ເກັບ​ກໍາ​ໄດ້​ສະພາບ​ຄູ​ເຫຼືອ, ຄູ​ບໍ່ພໍ, ຄູ​ບໍ່​ມີ, ຄູ​ສອນ​ບໍ່​ຖືກ​ຊັ້ນ, ຖືກ​ສາຍ, ລາຍ​ວິຊາ​ທີ່​ຮຽນ​ຈົບ ​ແລະ ວິຊາ​ທີ່​ບໍ່​ໄດ້​ສອນ ​ແລະ ​ເກັບກໍາໄດ້​ຂໍ້​ມູນ​ການ​ສຶກສານ​ອກ​ໂຮງຮຽນ ​ແລະ ອື່ນໆ.

ສ່ວນບັນດາ​ກຸ່ມ​ເປົ້າ​ໝາ​ຍ ປະກອບ​ມີ 17 ​ແຂວງ ​ແລະ 1 ນະຄອນຫຼວງ​ວຽງ​ຈັນ, ມີ 148 ​ເມືອງ ​ແລະ ມີ 12.569 ​ໂຮງຮຽນ. ​ໃນ
​ນັ້ນ, ອະນຸບານ 2.571 ​ແຫ່ງ, ປະຖົມ ມີ 8.351 ​ແຫ່ງ, ມ ຕົ້ນ ມີ 923 ​ແຫ່ງ, ມປາຍ ມີ 42 ​ແຫ່ງ ​ແລະ ມັດທະຍົ​ມສົມບູນ ມີ 682
​ແຫ່ງ ​ແລະ ການ​ລົງ​ສໍາ​ຫຼວດຄູ ​ໃນ 2 ​ເມືອງ ຄື: ​ເມືອງ​ໄຊ​ບົວທອງ ​ແຂວງ​ຄໍາ​ມ່ວນ ​ແລະ ​ເມືອງ​ໂພນ​ໂຮງ ​ແຂວງ​ວຽງ​ຈັນ. ​ໃນ​ນັ້ນ, ຜົນ​
ການ​ວິ​ເຄາະ​ການ​ລົງ​ສໍາ​ຫຼວດຄູເມືອງ​ໄຊ​ບົວທອງ ​ແຂວງ​ຄໍາ​ມ່ວນ ທົ່ວ​ເມືອງ​ມີ​ໂຮງຮຽນ​ຈໍານວນ 75 ​ແຫ່ງ, ລັດຖະກອນ​ຄູ​ 275 ຄົນອາ
ສາ​ສະໝັກ 96 ຄົນ, ນັກຮຽນ 7.839 ຄົນ, ຫ້ອງ​ຮຽນ 294 ຫ້ອງ ​ໂດຍ​ຜ່ານ​ການ​ວິ​ເຄາະ​ຂໍ້​ມູນ​ເມືອງ​ດັ່ງກ່າວ ຍັງ​ມີ​ຄູ​ບໍ່​ພຽງພໍ​ທັງ​ໝົດ
139 ຄົນ, ຖ້າ​ຈັດ​ບຸລິມະສິດ​ການ​ບັນຈຸ​ຄູ​ໃໝ່ ທີ່​ຕ້ອງການ​ແກ້​ໄຂ​ຢ່າງ​ຮີບ​ດ່ວນ ມີ​ທັງ​ໝົດ 8 ​ແຫ່ງ (ຈໍານວນ​ທັງ​ໝົດ 24 ຄົນ) ​ແລະ ຍັງ
​ມີ​ຄູ​ເຫຼືອ​ທັງ​ໝົດ 29 ຄົນ.

ສ່ວນຜົນ​ການ​ສໍາ​ຫຼວດເມືອງ​ໂພນ​ໂຮງ ​ແຂວງ​ວຽງ​ຈັນ ທົ່ວ​ເມື​ອງມີ​ໂຮງຮຽນ​ທັງ​ໝົດ​ຈໍານວນ 69 ​ແຫ່ງ, ລັດຖະກອນ​ຄູ​ 700 ຄົນ, ອາສາ​ສະໝັກ 81 ຄົນ, ນັກຮຽນ 14.036 ຄົນ, ຫ້ອງ​ຮຽນ 497 ຫ້ອງ ​ແລະ ຜົນ​ການ​ວິ​ເຄາະ​ຂໍ້​ມູນ​ ​ເຫັນ​ວ່າ​ໃນ​ເມືອງ​ດັ່ງກ່າວ​ ຍັງ​ມີ​ຄູ​ບໍ່​ພຽງພໍ​ທັງ​ໝົດ 58 ຄົນ, ຈໍານວນ​ຄູ​ເຫຼືອ​ທັງ​ໝົດ 187 ຄົນ.

​ເຖິງ​ຢ່າງ​ໃດ​ກໍ່ຕາມ, ການ​ບັນຈຸ ​ແລະ ນໍາ​ໃຊ້​ຄູ ​ຍັງຖື​ເປັນ​ບັນຫາ ​ແລະ ສິ່ງ​ທ້າ​ທາຍສຳຄັນ ​ໃນ​ໄລຍະ​ຜ່ານ​ມາ, ​ເຊິ່ງ​ເຫັນ​ວ່າ​ຄູ​ເຫຼືອ​ແລະ
ບໍ່ພໍ​ໃນ​ແຕ່​ລະ​ຊັ້ນ ​ແລະ ລາຍ​ວິຊາ, ​ໃນ​ຕົວ​ເມືອ​ງຄູ​ເຫຼືອ ​ແລະ ຊົນນະບົດ​ຄູ​ບໍ່​ພຽງພໍ ​ແຕ່​ກໍ່​ຍັງ​ບໍ່​ຮູ້​ຊັດ​ເຈນ​ວ່າ​ຄູ​ເຫຼືອແລະບໍ່ພໍ​ນັ້ນ ຢູ່​ຊັ້ນ​ໃດ,
ວິຊາ​ໃດ ​ແລະ ຢູ່​ໂຮງຮຽນ​ແຫ່ງ​ໃດ​ແທ້, ການ​ສ້າງ​ແຜນ​ຄວາມ​ຕ້ອງການ​ຄູ ທີ່​ພະ​ແນ​ກສຶກສາ​ທິການ ​ແລະ ກິລາ​ແຂວງ, ​ເມືອງສົ່ງ​ມາ​ໃຫ້​ກະ
ຊວງ​ສຶກສາ​ທິການ ​ແລະ ກິລາ ບໍ່​ຊັດ​ເຈນ ​ເຮັດ​ໃຫ້ການ​ສະ​ເໜີ​ຂໍ​ຕົວ​ເລກ (​ໂກຕ້າ) ​ແລະ ​ແບ່ງປັນ​ຕົວ​ເລກ​ໃຫ້​ແຂວງ, ​ເມືອງ ກໍ່​ບໍ່ຊັດ​ເຈນ
(ການ​ສ້າງ​ແຜນ​ຄວາມ​ຕ້ອງການ​ຄູ​ຜ່ານ​ມາ​ນັ້ນກະຊວງ ສສກ ສົ່ງ​ແບບ​ຟອມ​ໃຫ້​ແຂວງປະກອບ​ແບບ​ຟອມ​ແລ້ວ​ສົ່ງ​ຄືນ​ໃຫ້​ກະຊວງສສກ).

​ໃນ​ໄລຍະ​ຜ່ານ​ມາ ຂະ​ແໜງ​ການ​ສຶກສາ ​ແລະ ກິລາ ຍັງ​ບໍ່​ທັນ​ເຄີຍ​ລົງ​ສໍາ​ຫຼວດ ​ແລະ ​ເກັບ​ກໍາ​ຂໍ້​ມູນ​ກ່ຽວ​ກັບ​ຄູ​ຈັກ​ເທື່ອ ​ເຮັດ​ໃຫ້​ຖານ​ຂໍ້​ມູນ
ບໍ່​ໄດ້​ອັບ​ເດດ ​ແລະ ຂໍ້​ມູນ​ກໍ່​ບໍ່​ລະອຽ​ດຄົບ​ຖ້ວນ​ເທົ່າ​ທີ່​ຄວນ, ຖານ​ຂໍ້​ມູນ PMIS ຍັງ​ບໍ່​ສົມບູນ​ເທົ່າ​ທີ່​ຄວນ ຄື: ຍັງ​ບໍ່​ມີ​ຈໍານວນ​ຫ້ອງ​ຮຽນ,
ຈໍານວນ​ນັກຮຽນ ​ແລະ ວິຊາ​ສອນ​ຂອງ​ຄູ ​ໃນ​ແຕ່​ລະ​ຊັ້ນ​ຮຽນ ​ເຮັດ​ໃຫ້ການ​ແບ່ງປັນ​ຕົວ​ເລກ​ໃຫ້​ແຂວງ ​ແລະ ​ເມືອງ​ບໍ່​ຊັດ​ເຈນ, ຂໍ້​ມູນ​ທີ່​ມີ​
ໃນ​ຖານ PMIS ບໍ່​ກົງ​ກັບ​ຂໍ້​ມູນ​ຕົວ​ຈິງ, ຄູ​ອາສາ​ສະໝັກ ມີ​ຈໍານວນ​ຫຼາຍ​ກວ່າ 10.000 ຄົນ, ການ​ຮັບ​ຄູ​ອາສາ​ສະໝັກ​ບໍ່​ເປັນ​ເອກະ​ພາບ
​ກັນ (​ໂຮງຮຽນ, ​ເມືອງ, ​ແຂວງ), ການ​ຮັບ​ຄູ​ອາສາ​ສະໝັກ​ຈໍານວນ​ໜຶ່ງ​ຈໍານວນ​ໜຶ່ງ​ບໍ່​ຖືກ​ກັບ​ຄວາມ​ຕ້ອງການ​ຕົວ​ຈິງ​ຂອງ​ແຕ່​ລະ​ຊັ້ນແລະ
ລາຍ​ວິຊາ​ທີ່​ຍັງ​ຂາດ​ຄູ ​ແລະ ການ​ເກັບ​ກໍາ​ຈໍານວນ​ຄູ​ທີ່​ສູນ​​ເສຍ​ໃນ​ຮູບ​ການ​ຕ່າງໆ ຍັງ​ບໍ່​ທັນ​ຊັດ​ເຈນ ຄື: ບໍາ​ເນັດ, ບໍານານ, ​ເສຍ​ກໍາລັງ​ແຮງ​
ງານ, ​ເສຍ​ຊີວິດ, ຍົກຍ້າຍ ​ແລະ ອື່ນໆ, ​ເຊິ່ງບາງ​ແຂວງ ​ແລະ ​ເມືອງ​ຍົກຍ້າຍ​ແລ້ວ​ບໍ່​ລາຍ​ງານ​ໃຫ້​ກະຊວງ ສສກ ຮັບ​ຊາບບາງ​ຄົນ​ຍົກຍ້າຍ
​ໄປ​ຂະ​ແໜງ​ການ​ອື່ນ​ແລ້ວ ຍັງ​ກິນ​ເງິນ​ເດືອນ​ນໍາ​ສຶກສາ ​ແລະ ກິລາ​ຢູ່.

ແຫລ່ງທີ່ມາຈາກ http://moes.edu.la/