ແຈ້ງເຕືອນ ອາກາດຫນາວ ອຸ່ນຫະພູມລົງເພິງ 3-5 ອົງສາ
ມວນອາກາດຫນາວເຢັນຈາກປະເທດຈີນຈະມີກຳແຮງເພີ່ມຂຶ້ນແຜ່ລົງຢູ່ທຸກພາກທົ່ວປະເທດລາວໃນໄລຍະເວລາ 31/01/2018-06/02/2016.
ໂດຍສະເພາະເຂດພາກເຫນືອຫນາວເຖິງ 3-5 ອົງສາ ແລະຈະມີຝົນຕົກກະຈາຍ
ອົງການປົກຄອງແຂວງໄຊຍະບູລີແບ່ງປັນນໍ້າໃຈຕ້ານໄພໜາວ
ເພື່ອເປັນການຊ່ວຍເຫຼືອປະຊາຊົນ, ໂດຍສະເພາະແມ່ນຄອບຄົວທຸກຍາກ ຢູ່ ເມືອງ ໄຊຊະຖານ ແຂວງ ໄຊຍະບູລີ ໃນການຕ້ານໄພໜາວ, ເພື່ອເຮັດໃຫ້ກຸ່ມຄົນດັ່ງກ່າວໄດ້ມີຄວາມອົບອຸ່ນທັງການ ແລະ ໃຈ, ສະນັ້ນອົງການປົກຄອງ ແຂວງ ໄຊຍະບູລີ ຈຶ່ງໄດ້ນໍາເຄື່ອງກັນໜາວໄປມອບໃຫ້ປະຊາຊົນເມືອງດັ່ງກ່າວ, ເຄື່ອງທີ່ນໍາໄປມອບປະກອບມີ: ເສື້ອກັນໜາວ ຈໍານວນ 100 ຜືນ, ໂສ້ງຂາຍາວ ຈໍານວນ 100 ຜືນ, ຜ້າຫົ່ມກັນໜາວ 110 ຜືນ, ຊຸດເຄື່ອງນຸ່ງປະສົມ 350 ຊຸດ, ໝວກກັນໜາວ 100 ໃບ ແລະ ເຄື່ອງນຸ່ງທົ່ວໄປ 300 ຊຸດ, ລວມມູນຄ່າທັງໝົດ 26 ລ້ານກວ່າກີບ, ພິທີມອບ-ຮັບໄດ້ຈັດຂຶ້ນ ໃນວັນທີ 20 ທັນວາ 2017 ນີ້, ທີ່ຫ້ອງການບ້ານ ສະແມດໃຫຍ່ໃຫ້ກຽດມອບໂດຍ ທ່ານ ພົງສະຫວັນ ສິດທະວົງ ເຈົ້າແຂວງໄຊຍະບູລີ ແລະ ຮັບ ໂດຍຕາງໜ້າອົງການປົກຄອງ ເມືອງ ໄຊຊະຖານ ແລະ ມອບຕໍ່ໃຫ້ກັບປະຊາຊົນກຸ່ມເປົ້າໝາຍ, ເຂົ້າຮ່ວມພິທີມີຫົວໜ້າພະແນກການເງິນ, ສະຫະພັນແມ່ຍິງແຂວງ, ພ້ອມດ້ວຍອໍານາດການປົກຄອງເມືອງ ໄຊສະຖານ ແລະ ພໍ່ແມ່ປະຊາຊົນເຂົ້າຮ່ວມຢ່າງຫຼວງຫຼາຍ.
Comments
Post a Comment